విశిష్ఠ గుర్తింపు సంఖ్య ఐన "ఆధార్ కార్డు"పై కేంద్రం మళ్ళీ ఆంక్షలు విధించింది. గతంలో మాదిరి ఆధార్ కార్డు లో పేరు,పుట్టిన తేదీ ,ఇతర వివరాలను మార్పు చేసుకునే విషయంలో కేంద్రం మార్పులు తెచ్చింది. కొత్త ఆంక్షలను విధించింది. ఇప్పటిదాకా పేరు, పుట్టిన తేదీ, ఇతర అంశాలను మార్పులు,చేర్పులు చేసుకునే విషయంలో ఎటువంటి పరిమితి లేదు. కానీ ఈ క్రొత్త నిబంధనల ప్రకారం ఆధార్ కార్డు లో పేరులో మార్పులుంటే రెండుసార్లు మాత్రమే మార్పు చేసుకునే అవకాశం ఉంది. అలాగే పుట్టినతేది,లింగము వివరాలను ఒకసారి మాత్రమే మార్పు చేసుకోవలసి ఉంటుంది . ఎన్నిసార్లయినా అప్ డేట్ చేసుకునే విషయంలో దుర్వినియోగం అవుతుందని వస్తున్న ఫిర్యాదుల నేపథ్యంలో ఉడాయి ఈ క్రొత్త నిబంధనలను తెచ్చింది. ఒకవేళ నిర్దిష్ట అవకాశాలను మించి అంటే ఎక్కువసార్లు మార్పులు,చేర్పులు చేయాలనుకుంటే సమీప ఆధార్ ప్రాంతీయ కార్యాలయం,కార్డు దారు నుండి అదనపు సమాచారం కోరే అవకాశం ఉంది. అవసరమైతే క్షేత్రస్థాయి వెరిఫికేషన్ కూడా ఉంటుంది.
No comments:
Post a Comment