భూమ్మీద లోతైన చోటు ఏది అంటే.. వచ్చే సమాధానం పసిఫిక్ మహా సంద్రంలోని మెరియానా ట్రెంచ్. అది సముద్రాల విషయం. మరి, నేల మీద అత్యంత లోతైన ప్రాంతం ఏంటి? దానికి యూనివర్సిటీ ఆఫ్ కాలిఫోర్నియా సైంటిస్టులు సమాధానం చెబుతున్నారు. ఏంటో తెలుసా.. తూర్పు అంటార్కిటికాలోని డెన్మన్ గ్లేసియర్. గ్లోబల్ వార్మింగ్ కారణంగా అంటార్కిటికాలోని గ్లేసియర్లు బాగా కరిగిపోతున్నాయట. అట్ల కరిగిపోవడం వల్ల డెన్మన్ గ్లేసియర్ బాగా లోతైందట. సముద్ర మట్టానికి దాదాపు 3.2 కిలోమీటర్ల లోతు ఉంటుందని గ్లేసియాలజిస్టులు చెబుతున్నారు. ఆ ఏరియాలో దాదాపు కొన్ని నెలల పాటు చేసిన పరిశోధన తర్వాత ఈ నిర్ధారణకు వచ్చామంటున్నారు. వేరే చోట్లతో పోలిస్తే తాము ఊహించినదాని కన్నా ఎక్కువ లోతు ఉందని తేల్చారు. దాదాపు 100 కిలోమీటర్ల పొడవు, 20 కిలోమీటర్ల వెడల్పున్న గ్లేసియర్ ప్రాంతంలో అంత లోతుందని చెబుతున్నారు. బెడ్మెషీన్ టెక్నాలజీని ఉపయోగించి ఈ లోతైన ప్రాంతాన్ని నిర్ధారించామంటున్నారు. ఐస్ కింద బెడ్ టోపోగ్రఫీ మిస్సైందని, కొండలు, లోయల వంటి ఫీచర్లేవీ ఆ ప్రాంతంలో లేవని తేల్చారు. అక్కడి ఐస్ కరిగిపోయి సముద్రం వైపు వెళ్లడానికి సిద్ధంగా ఉందన్నారు. ఇప్పటికే ఐస్ కింద చాలా వరకు కరిగిపోయి ఉందని, పై పొర కూడా కరిగిపోతే సముద్ర మట్టాలు పెరిగే ముప్పు ఉందని హెచ్చరిస్తున్నారు.
No comments:
Post a Comment